عندك نكتة جديدة ؟

[center]ذهب رجل إلى قسم الشرطة وهو يريد أن يتحدث مع اللص الذي اقتحم منزله
أمس ليلاً والشرطة أمسكته ... فقال له الضابط
سوف تأخذ فرصتك في الكلام معه أمام النيابة ... فرد الرجل،، لأ إني أريد
أن أسأله سؤال واحد ... كيف استطاع دخول المنزل بدون أن تستيقظ
زوجتي ،،، إنني أحاول فعل ذلك منذ سنوات ودائماَ أفشل

بينما كان الرجل وزوجته يتجولون في مول تجاري ضخم ... تاهت عنه زوجته
ولم يستطيع أن يجدها وسط الزحام ... وفجأة رأى إمرأة جميلة فتقدم منها وقال
لها ... هل تسمحين لي بالحديث معك ولو دقيقة واحدة ... فقالت له لماذا ...
فرد عليها،، لأني بمجرد أن أتحدث إلى أي إمرأة جميلة أجد زوجتي أمامي ولا
أعلم من أين تأتي

خلال حفل زواج ... سأل طفل صغير أمه ... لماذا تلبس العروس فستاناً أبيض؟
فردت عليه الأم ... لأن اليوم هو أجمل يوم في حياتها ... فأخذ الصغير يفكر
قليلاً ثم سألها ... ولماذا إذن يرتدي العريس بدلة سوداء؟؟؟

استيقظت إمرأة ذات يوم وهي تقول لزوجها ،،، اليوم عيد الحب وقد حلمت بأنك
أهديتني قلادة ذهبية مرصعة بالماس ... ما معنى هذا الحلم؟ فقال لها زوجها ،،،
في المساء سوف تعرفين ... وعندما أتى المساء وجدت زوجها يحمل علبة أنيقة
وأعطاها لها بمناسبة عيد الحب ،،، وعندما فتحتها وجدت كتاب مكتوب عليه ....
تفسير الأحلام[/center]

*** اتنين مساطيل طالعين في الأسانسير واحد بيقول التانى "هو الاسانسيربطىء كده ليه؟" قاله "يمكن طالع على السلم

*** مره واحد مسطول رجع بيتهم متأخر، اخته فتحتله قالها كنت فين يافاجرة لحددلوقتي

*** واحدة بتقول لجوزها بعد ما نجح فى الانتخابات هاتلى هدية غسالة بقى عشان انت مش حتبقى فاضى

*** طفل بيقول لامه الراجل ده بيبوس اختى ليه قالت اصله هيتجوزها قالها امال بابا هيتجوز الخدامه امتى

*** محشش سألوه اية أصعب شئ: "قال انك تحدد السكسوكة وانت بتاكل لبان

*** مره واحد "......" غبي راح السنيما هو ومراته اول ما النور طفا قال لها جومى يا واليه شكلهم هيناموا

*** واحد جدته عيانة و رافضه الاكل فسألها تاكلى مهلبية والا اجوزك.. قالت له لأ يابنى المهلبية ناشفة على سنانى

نكت جميلة من الزميل الرائع المحقق كونان وبصراحة عجبتنى نكتة فستان الفرح الابيض لانى اول مرة الموضوع دا يلفت نظرى وفعلا عمرك ماتشوف مثلا ان العريس يلبس ابيض والعروسة تلبس اسود دايما العكس .

ونكت رائعة كالعادة من صديقى العزيز المهندس كارم ولكن تلك المرة الاخيرة ابدع فيها ياترى كل يوم بتكون مبسوط كدا ولا يوم الجمعة بس اللى بتكون رايق اكتر يارب نشوفك فى سعادة دايما انت وكل زملائنا الاعزاء فى المنتدى.

احمـــــــــد بشـــير كتب:: معذرة علي عدم كتابة اي أضافة للموضوع

أصلي بفكر في القصيدة بتاعت كونان من يوميها

الحمد لله عرفت معني كلمة ولما هكمل هرجع تاني

العزيزمهندس / كارم متزعلش النكت ايوة محرفة بس جميلة من الأخ العزيز / ابو الدراويش

وأنت البادئ الأخ الفاضل / ابو كريم كل دة كان في قلبك وساكت الحمد لله الولاد باين مزعلينك قوي

معرفش ان المشرفين دمهم خفيف كدة دحنا لو عملنا منتدي للضحك هنبقا الأول في قوقل

عندي سؤال برئ للمدير لماذا لم يشارك المدير في الموضوع ؟؟؟؟؟؟؟؟؟؟؟؟؟؟

تحياتي للجميع ودائما سعداء

ايه يا عم النائب ياعم سيب المدير في حاله باين عليه مات - لا عاد فيه دورات ولا برامج ولا تصاميم المواضيع بقت كلها مجلات وكتب وعايز كمان نكت

الا على فكرة هو لسه موجود بصفتك النائب في المنتدى وياريت تبلغه ان فيه ناس كتير منتظرينه يكمل مشاريعه اللي بدأ فيها على المنتدى

وفي النهاية مفيش غير اننا نصبر عليكم

حتى الاخ شريف مندور باين عليه زعلان مننا هو كمان

والبركه في المهندس علي لغاية ما يرجعوا تاني

والصبر جميييييييييييييييييييييييييييييييييييييييييييييييييييييييييييييييييييييييييييييييييييييييييييييييييييل

_________________
عندك نكتة جديدة ؟ - صفحة 2 61862110

أبـوروان

حوار عائله سمعهم ضعيف....الابن بابا عايز خيار. الاب الحقي ابنك يريد دينار .الام الحقي يابنت اخوكي يلعب قمار. البنت جدتي ماما في رجلها مسمار .الجده هدا الي ناقص عاوزين يطلعوني من الدار

مره كتكوت معلق سلسله على هيئه اومليت راح صحبه ساله اي الصوره دي قال له دي صوره اخويه

مرة واحد عصبى ضرسه وجعه راح للدكتور الدكتور قاله انت بتشكى من ايه قال له انت شايف

الضرس ده قاله ايوه قاله شيل كل الضروس الى حوليه وسيبه زى الكلب لوحده

زوج بيبكى فى عزاء مراته قالولوا كل ده حب قال لا بس عرفت ان البكاء بيعذب الميت ؟......

*** مرة اتنين لسة متجوزين جديد وخرجوا يتمشوا على الكورنيش الزوج:شايفة القمر يا قمرايا الزوجة :شايف النيل يا منيل

*** واحدة بتقول لجوزها وهما نايمين بالليل قوم يابو حسين احسن في حرامية في البيت قالها لأ قومي انت لايكونوا ستات

***واحد دخل فندق 5 نجوم كان في فرح وهو كان عايز يروح دوره المياه فبيسأل واحدهفي الفرح وهو مكسوف جداًً ... وبيوشوشها في ودنها لو سمحتي التلاوَت منين ؟؟البنت ضحكت وقالت : قصدك التواليت ؟ .... من الناحيه التانيه فراح لف وشوشها في ودنها التانيه : التلاوَت منين؟؟

*** واحد نام بالشقلوب صحى لقى رجليه معمصة

يابشمهندس كريم / معلهش لسه قارى تعليقك النهارده لظروف عمل
وبكرة تعرف لوحدك لاززززززززم ترضى مين
شويه نكت بمناسبة ماتش الأهلى والزمالك .... بدووووووووووون زعل

حسام حسن بعد ماتش ال 6 بيشاور لتاكسى....فقال للسواق " 6 اكتوبر"...السواق قال له "لأ 6/1 "

مره لعيب كره شاط رائحته طلعت

فيه نمله ماسكه راسها ليه؟؟مضيعه بلنتي.

مرة واحد مسطول بيلعلب كورة اخد الكورة على صدرة طلعها من مناخيره

لاعب كرة قدم تزوج لاعبة كرة قدم جابوا طفل سموه جول راحوا يسجلوه طلع تسلل

مره واحد لعيب كوره روح البيت متاخر مراته طلعت له الكارت الاحمر

حكم كوره أعد على قهوه ... طلب واحد صفر

واحد زملكاوى طلع له عفريت فى الفانوس السحرى وقال له شبيك لبيك عبدك بين ايديك قال انا عايز اشوف المرحوم ابويا ...العفريت قاله ده طلب صعب جدا اطلب حاجه تانيه قاله عايزين نفوز على الاهلى..... العفريت قاله انت ابوك مات سنة كام ؟؟؟

واحد زملكاوى ليلة زفافه فى غرفة النوم
العروسة للعريس : قبل ماتلمسنى انت مش الرجل الاول فى حياتى
العريس الزملكاوى رفع ايديه للسما وقال
هو يارب المركز التانى ده ورايا ورايا

مره واحد زملكاوى اشترى ساعه كل ماتيجى الساعه 6 تقول له بيبو بيبو بيبو

مره بيسألو سوق التاكسى ايه الفرق بين التاكسى والزمالك قال السواق التاكسى غلبان بيشل 4ركاب اما الزمالك بيشيل 6

مره واحد اهلاوى اتجوز زملكاوية ستتها ............ ..

واحد اهلاوى قاعد فى المدرجات عمال يقول اهلى اهلى افتكروه تايهه

_________________
عندك نكتة جديدة ؟ - صفحة 2 Hjhgjgjsd

شوف الندل لما يحب يعمل عمل خيرى

عندك نكتة جديدة ؟ - صفحة 2 Top4top1c499a71d61

*** واحد بلدياتنا دخل الجيش بيسأل زميله إنت من دشنا...فقاله: لأ رد بلدياتنا: يبجى إنت من ديش العدو... و راح طاخه عيارين

*** زرافة و فيل وأسد وفأر وثعلب وارنب ماشيين في الغابة ، وقعوا كلهم في حفرة إلا الزرافة ،قالولها :جيبي لنا حبل. قالتلهم :ما فيش. قالولها :إحنا جعانين عايزين ناكل .قالتلهم: ماعرفش أجيب لكم أكل. قالولها: والعمل؟ قالت لهم: كلوا أضعفكم ..... قام الفأر نط مفزوع وقال لهم : اللي حيقرب من الأسد حيعرف شغله

*** واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شوية

*** مرة مدرس رياضة اتجوز مدرسة رياضة خلفوا ولد متساوى الساقين

*** مره واحد صعيدى سافر مصر إتسرقت المحفظه بتاعته بلغ عنها
فقال له الظابط حاضر حجيبهالك من تحت الأرض طلع الصعيدى
بره لقى الناس بتحفر لخط المترو فقال لهم الهمه يارجاله هى
سوده وفيها سوسته

*** مرة واحد غبي ماشي في الشارع لقي واحد صاحبه قاله ازيك ياعلي شكلك اتغير خالص الثاني رد عليه بس انا مش علي الاول قاله وكمان غيرت اسمك

*** سواق ماشى ع الطريق واحد لابس احمر فى احمر شاور له فوقف السواق و قاله انت مين و عايز اية قالة انا الفرفور الاحمر و عايز توصلنى فقالة لا مبوصلش فرافير و مشى و سابة شوية لقى واحد لابس اصفر فى اصفر و بيشاورلة فوقف و قالة انت مين و عايز اية قالة انا الفرفور الاصفر و عايزك توصلنى فقالة لا مبركبش فرافير و مشى و سابة شوية و قابلة واحد لابس اخضر فى اخضر عمل معاة نفس الحكاية ف السواق سابة و مشى شو ية كمان كدة و لقى واحد لابس ابيض فى ابيض بيشاورلة ف السواق وقف و قالة يا ترى انت بقى الفرفور الابيض فقالة الراجل فرفور اية رخصك يا روح امك

*** اتنين مساطيل حبوا يسرقوا عماره فقالوا لبعض احنا ناخد العمارة بعيد ونسرقها برحتنا ، فقلعوا الهدوم وقعدوا يزقوا فى العمارة يزقوا ، جه واحد من وراهم وسرق الهدوم ، فواحد منهم بص ورا ملقاش الهدوم فقال له كفاية كدة احنا بعدنا اوى

*** بلدينا ماسك قنبله وعمال يحدفها من الإيد دى للايد دى ، قابله واحد تانى قال له :يخرب بيتك ولما تنفجر فى وشك ، قاله : ماتخافش معايه غيرها

*** بلدياتنا نجح في انتخابات مجلس الشعب، ففي اول جلسة قاعد جنب واحد افندى فالأفندى عزم عليه بسيجارة مارلبورو، وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا !!

*** واحد قال لأبنه: نابليون وهو أدك كان أول واحد في الفصل،... رد الواد على أبوه : نابليون وهو أدك يا بابا كان إمبراطور

ا

نقيب عدد الرسائل : 192 تاريخ التسجيل : 02/08/2009

يا جماعة كفاية كلام عن الأهلي والزمالك إحنا كلنا قلب واحد ... وطن واحد ... بلد واحد ... ستة واحد ... ثلاثة واحد ... سواء كان عبدالمنصف أوعبدالواحد

*******

واحد أهلاوي اتجوز واحدة زملكاوية (( ستتها )) ضايقته طلقها (( بالثلاثة ))

*******

أخيرا الزمالك هيكسب الأهلي يا رجاله ويفك العقدة ... بيقولوا رفعوا قضية على جماهير الأهلي والمحامي وعدهم القضية كسبانة كسبانة

*******

أنا أهلاوي وزعلت جدا من جماهير الأهلي عشان الكلام (( الزبالة )) اللي كان في المدرجات ... لكن فرحت جدا باللي حصل في الملعب ونفسي الناس تسيب التعصب وتشجع فريقها وبس دون الإساءة للآخر

*******

نقيب عدد الرسائل : 192 تاريخ التسجيل : 02/08/2009

ابو الدراويش كتب:: شوف الندل لما يحب يعمل عمل خيرى

واضح ان الزميل العزيز قصير شوية عشان كده العملية دي عملاله أزمه شوية ... متزعلش مني يابو الدراويش انا برضه قصير 162 سنتي بس والموضوع ده بصراحة مش ندالة بس دي أسوأ من كده بس مش عارف أسميها إيه تيجي نسأل أينشتاين جايز ناخد منه 500 دولار

عندك نكتة جديدة ؟ - صفحة 2 28343431356466806596856

عندك نكتة جديدة ؟ - صفحة 2 27978121362071235584100

لا تعليق

الاخوة الاعضاء فييين النكت والمشاركات الشيقة والمضحكة

-----------------------------------
مين اللى حرر المصريين؟
أكيد
أكيد
أكيد
اللى قفل المروحه.
-----------------------------------
واحده بتسأل شيخ: هى عدة المطلقة إيه؟
N73قال لها
-----------------------------------
واحد بيعيط فى جنازة مراته
سألوه: بتحبها؟قال: لأ بس سمعت إن البكا بيعذب الميت.
---------------------------------
ثلاثة أندال بيتنافسوا مين أندل واحد فيهم.
لقيوا ست عجوزة ماشيه على عكاز.
الأول: خد العكاز منها فوقعت.
الثانى: خد العكاز وضربها بيه.
الثالث: قعد يضحك سألوه: بتضحك ليه؟
قالهم: أصل الست اللى انتوا بتضربوها دى تبقى أمى.
--------------------------------
أهديك قول الشاعر:
زحلقنى الصابون فى الطرقة – من كتر البعاد والفرقة
-----------------------------
الشباب الفافى بيشتروا اللبن إزاى؟
عمو بليز ممكن عصير بقر.
------------------------------------
مساطيل عاملين ندوة ثقافية كبرى بعنوان:
" نجيب محفوظ ولا ما نجبوش"
----------------------------------
عروسه رفيعه
ليلة فرحها لفوها بجرايد عشان تتخن
العريس دخل عليها كل اما يفتح جورنال يلاقى جورنال
اتصل بحماته وقالها: هى العروسه صفحة كام؟
----------------------------------
سألوا مصرى: ليه المصريين بيحلفوا كثير؟
قال: طب والله العظيم دى إشاعه
قسماً بالله ده افترى
والمصحف ما صحيح
وعهد الله ده ظلم
وربنا احنا مش كده.
--------------------------------
فى أقوى رد فعل مصرى
.......
قررت الحكومة المصرية
شطب الجزائر
..........
من بنك الحظ
---------------------------------------
بقره بصت فى المرايه
وقالت: معقوله الجمال ده يروح لثور.
-----------------------------------
مثقف ركب الطياره فقال للمضيفه
This is no talking, I student one tea from clock.
بالمصرى: ده مش كلام أنا طالب واحد شاى من ساعه.
---------------------------------------
بشرى ساره لأعزائنا الطلبة والطالبات من فودافون
لو اتزنقت فى سؤال ممكن تبعت رسالة غششنى شكراً
فقط اطلب *868*برشام#.
---------------------------------------
عملوا مسابقه
"مين اللى يقدر يقعد سنه ياكل نفس الأكله"
الفرنساوى قال لهم هاتوا لى طن بطاطس
اليابانى قال لهم هاتوا لى طن رز
بلدياتنا قال لهم: هاتوا لى سيجاره
وبعد سنه
فتحوا الباب على الفرنساوى لقوه مات
فتحوا الباب على اليابانى لقوه مات
فتحوا الباب على بلدياتنا قال لهم هاه جبتوا الولاعه؟
--------------------------------------
دكتور دخل عنبر المجانين
لقاهم بينطوا ويقولوا: إحنا فشار إحنا فشار
لقى واحد قاعد فسأله: لما إنت عاقل قاعد هنا ليه؟
قاله: سيبنى أنا لازق فى الحله.
---------------------------------------
لو عايز تروح القمر ومعاكش غير جنيه تعمل ايه؟
؟
؟
؟
تعمل مصيبه توديك ورا الشمس
ومن هناك تاخد توكتوك بجنيه للقمر

دخل امريكي مطعما وعلق معطفه ووضع عليه ورقة كتب فيها:
هذا المعطف خاص ببطل الملاكمة وسيعود بعد عشر دقائق
ولما عاد لم يجد المعطف ورأى مكانه ورقة كتب فيها:
اخذ المعطف بطل الجري ولن يعود ابدا......!

---------------------

قالت إمرأة لزوجها:
لم تعد تأتيني بشيء مثلما كنت عليه ايام الخطوبة؟
فقال: هل رأيتي صيادا يطعم سمكة بعد صيدها؟!!!!

---------------------

حكم على رجل بالأعدام فسألوه يوم تنفيذ الحكم ماذا تريد؟
فأجاب: اريد عنقود عنب...
فقالوا : هذا ليس موسم العنب؟!
فأجاب : انا لست مستعجلا.....!

---------------------

الأول: لاانسى معروف هذا الرجل الطيب مادمت حيا
الثاني: هل انقذك من الموت؟
الاول: كلا..انه الطبيب الذي عالج عمي الذي ورثته...؟!

---------------------

لاحظ السجان ان هناك سجينا قد مضى على سجنه مدة طويلة ولم يزره احد
فسأله:
اني لا ارى احدا يزورك منذ وقت طويل
اليس لديك اصدقاء او اقارب؟
فأجاب: طبعا لي.............ولكنهم جميعهم هنا في السجن..!!!

للحياة معنى ،

ومعنى الحياة بحروفها ،

وحروفها ست ،

وست يعني حرمة ،

والحرمة تبي رجال ،

والرجال يبي عيال ،

والعيال يبون حليب ،

والحليب عند البقر ،

والبقر يبي حشيش ،

والحشيش يخليك مدمن ،

والمدمن يصير مروج ،

والمروج يروح السجن !

الاستنتاج /

السجن هو مصيرك إذا دخلت حياتك حرمة .

“تحليل محشش“

نبويه بتنادي بأعلى صوتها من البلكونه على جارتها: الحقوني حماتي عاوزه تنتحر و ترمي نفسها من الشباك !
قالت احدي جاراتها: وانتي مالك يا نبويه
قالت: الشباك ماينفتحش

اتنين محششين فوق برج الخليفة بدبى
واحد قال للثانى لو وقعت من على البرج احتاج قد اية علشان اوصل للارض

قالة صاحبة 3 ايام فقالة ممكن اموت

فرد علية طبيعى 3 ايام من غير اكل ولا شرب

_________________
لا إلــه إلا أنت سبحانك إنى كنت من الظالمين

*- مرة واحد ركب دش فوق السطح فعلشان ماحدش يقرب منه من السكان بنى حواليه كوخ وقفله وقال للسكان انا حاطط أسد في الكوخ ده فمحدش يقرب منه أحسنله ، السكان فضلوا خايفين يطلعوا السطح لحد مايوم الشجيع بتاعهم طلع وراح فاتح الكوخ راح نازل جري ووشه أصفر السكان قالولوه ايه شوفته ، قالهم لأ أنا شوفت الطبق اللي بياكل فيه بس.

*-ظابط مسك واحد مسطول بالليل كان معاه حشيش سأله انت بتشرب حشيش؟ قاله ايوه يا باشا، وبتاجر فيه كمان؟ قاله ايوه ، تاني يوم اتعرض على النيابة سأله وكيل النيابة انت بتشرب حشيش؟ قاله لا يا بيه، طب بتاجر فيه؟ قاله لا يا بيه قاله ليه قلت للظابط كده؟ قاله كنت مسطول يا بيه.

*-مرة في 3 بخلاء راحو لي تبرع لجمعية خيرية فالاول قال انا حطلع مبلغ و ارميه علي الحيطة و اللي يلزء حتبرع بيه اللي يوقع اخدو انا و التاني قال انا المبلغ اللي احدفو في السما و يلزق حتبرع بيه اللي ينزل حخدو انا و التالت قال انا حرسم خرم و ارمي الفلوس اللي يوقع جوة حتبرع بيه.

*-اتنين مساطيل ركبوا اتوبيس بدورين اللي فوق سأل اللي تحت انتوا ماشيين بسرعة كام؟ قاله 80 و انتوا؟ قاله لا إحنا السواق لسة ماجاش.

*-مرة واحد سكران ماشي في الشارع لقى واحد عنده حسنة فوق عينه قالو ياخي عين دي ولا غين.

*-واحد غبي عنده ارق ومش عارف ينام....قال له صاحبه عندي لك طريقة للنوم مؤكدة...عد من واحد الى خمسميه... أخونا مكدبش خبر... وأول ما الدنيا ليلت راح للسرير وبدا يعد .. واحد .. اثنين .. ولما وصـل الى ميه وتسعة وتسعين ...كبس عليه النوم … قـام جري غـسـل وشه ورجــع للـسـريـر يـكـمـل الـعـد

ويجعلة عامر يا جماعة

_________________
لا إلــه إلا أنت سبحانك إنى كنت من الظالمين

علي أيام الفراعنة كانت ابراص النيل بتاكل الناس والجواميس!!!
هيييه، كل حاجة زمان كانت احسن !!!

ههههههههههههههههه

» نكتة الموسم
» قيس سرعة النت عندك واعرف حقيقة اللي موصلك الوصلة
» نكتة غريبة سمعتها ولم أصدقها حتى الآن
» نكت جديدة
» طرفة جديدة